حلمى وردى

بحلم يابلدى
وحلمى وردى
بحلم لأبنى
يفضل معايا
يبقالى سندى
حلمى ياامى
جنبى ضنايا
بلاش يسيبنى
ياكل همى
ببعد شويه اتعب فى بعدى
الشوق يجيبنى
حبك غلبنى
النار تقيد تكبر تزيد
الاه تحرقنى
حالك تعبنى
طبطبى على كتفى ياامه
واسألينى ايه حصلى
ابنك ظلمنى
حمل تقيل حسيت بضعفى
بكيت لوحدى
بحن ياامه للى فات
تعبت ياامه من الآهات
حضنك وحشنى
خايف ضلام
الليل يطول
خايف حقيقى من اللى آت
يرضيكى ذلى
تيجى هموم
واعيش فى ويل
ومين يقول
معدش عندى غير السكات
دمعى سجنى
بحلم ياامى
وانا حلمى وردى
بحلم لولدى
بحلم يابلدى